INKUNGACOIN

TURIFUZA ABANTU BADUTERA INKUNGA TUKABONA AMAFARANGA YO GUSHYIRA MU BIKORWA UMUSHINGA WACU WITWA INKUNGA PROJECT FOUNDATION Ingingo ya 1: Icyo umuryango ugamije Umuryango ugamije: 1. Kwimakaza ihame ry'uburinganire n'ubwuzuzanye bw'umugabo n’umugore mu muryango. 2.Gushyigikira imikoranire nyayo no gufatanya n’andi mashyirahamwe yo mu gihugu n’ayo hanze akora nka INKUNGA PROJECT 3. Gufasha abana b'abahungu n'abakobwa batewe inda imburagihe, abataye amashuri babitewe no kuba barabyaye bakiri bato bagasubizwa mu mashuri. 4.Gufasha abanyamuryango gusabana, guharanira ubuzima bwiza n'uburere bishingiye ku ntego z’umuryango INKUNGA PROJECT. 5.Gufasha abana b'abahungu n'abakobwa birera n'abana baba mu muhanda babitewe n’uko ari imfubyi cyangwa se bafite ababyeyi babataye, tukabasubiza mu mashuri, kandi tukabatera inkunga y’ibikoresho bakenera, harimo amacumbi, ibyo kurya n'ibyo kunywa, imyambaro, n'ibindi. 6. Gusura no gufasha abagororwa baba mu magororero batagira ubasura cyangwa uwita ku mitungo yabo baba barasize, Tukabafasha kuyicunga hashingiwe ku masezerano tugirana. 7.Gusura no Gufasha abarwayi barwariye mu bitaro byo mu Rwanda, batagira ababarwaza bitewe n’uko nta muntu bafite basize inyuma, cyangwa yaba anahari akaba adafite ubushobozi bwo kubitaho. 8. Gufasha abapfakazi n'imiryango y'abashakanye mu buryo bwemewe n’amategeko, bamaze igihe kirekire baba mu bukode bitewe n'uko babuze ubushobozi bwo kwiyubakira amacumbi yo kubamo. Tukabubakira kandi tukabashyirira ibikoresho by’ibanze mu mcumbi tububakira.